Pas reagmit të Genta Mezinit, ka ardhur dhe reagimi i këshilltarit tjetër të LSI-së, Agim Kraja, të cilët një ditë më parë votuan pro rritjes së çmimit të ujit në keshillin bashkiak të Tiranës.
Ai, shkruan se do braktisë partinë që e shkarkoi, por s’mbaron me kaq. Ndërsa me tej Kraja i quan shpifje deklaratat për korruptim dhe thotë se ka gati një padi për LSI.
Statusi i plote
Distancohem nga deklarata e kolegëve që bojkotuan dje mbledhjen. Bojkoti nuk i shërben qëllimit tonë për t’i shërbyer Tiranës. Deklaratat për gjoja korruptim janë pa kuptim dhe pa asnjë bazë dhe do jetë objekt i një padie penale për shpifje në gjykatën e Tiranës. Në këto kushte distancohem nga LSI i bindur që do e kuptojnë që bojkoti i këshillit nuk çon asgjëkund. Respekt për bashkëpunimin në këto vite me çdo drejtues dhe anëtar të kësaj partie. Do vazhdoj kontributin tim në Këshillin Bashkiak të Tiranës dhe në politikë gjithmonë në interes të qytetarëve larg interesave partiake.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
