Kandidati fitues i koalicionit “Bashkë Fitojmë” në Himarë, Fredi Beleri do të dalë para Gjykatës së Posaçme ditën e hënë. Mësohet se seanca do të zhvillohet në orën 13:00.
Kujtojmë se Beleri u arrestua dy ditë para zgjedhjeve vendore, me akuzën për blerjen e votave.
Ai do të qëndroj në masën e sigurisë “arrest në burg”, dhënë nga Gjykata e Vlorës, e cila pas vendimit shpalli mos kompetencë dhe dosja hetimore tashmë kalon në SPAK.
Në burg është lënë edhe Pandeli Kokaveshi i akuzuar si bashkëpunëtor i Belerit në blerjen e votave të qytetarëve në Himarë.
Beleri pretendoi para trupës gjykuese se në lokal, momentin kur u arrestua nga agjentët e policisë, ishte me të afërm të tij dhe se me lekët nuk kishin qëllim blerjen e votave.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
