Çaka: KQZ do ta shtrijë votimin elektronik në 6 bashki. E pamundur të hyhet në të dhëna, sistemi është offline

Anëtari i Komisionit Rregullator në KQZ, Dritan Çaka deklaron se po shihet mundësia që procesi i votimit dhe numërimit elektronik, të shtrihet përtej një bashkie në zgjedhjet e 14 majit.

Ai bëri të ditur për MCN Live, si KQZ kanë kërkuar që të shtrijnë votimin dhe numërimin elektronik në 6 bashki të vendit, ose thënë ndryshe në 10% të bashkive.

Kërkon vlerë monetare rreth 30 milionë euro, për blerjen e pajisjeve për votimin dhe numërimin elektronik, për të pasur buxhet shtesë dhe për të bërë të mundur impelementimin e teknologjisë.

E shoh të pamundur të kemi votë emigranti në zgjedhje, jemi vonë.

Kemi vetëm një draft për regjistrimin e bashkokmbasve tanë që të regjistrohen për zgjedhjet e vitit 2025, për zgjedhjet e pushtetit lokal.

Çfarëdo buxheti të implementohet, e shoh të pamundur të implementohet vota e emigrantëve.

Sa i takon rrezikut nga sulmet kibernetike, shtoi se KQZ po merr gjithë informacionet dhe po mbledh procedurat për të mos u cenuar për sulmet kibernetike.

Garantoj qytetarët shqiptarë për një gjë: në të gjitha zgjedhjet dhe sistemi i identifikimit biometrik, edhe votimi në njësinë nr.10 në vitin 2021 dhe në bashkinë Vorë në zgjedhjet e pjesshme lokale, është sistem offline, i gjithë procesi është offline.

Është e pamundur të hyhet në kohë reale për manipulimin e të dhënave. E mbledh ajo makineri dhe nuk e përçon në kohë reale në KQZ.

Duke e pasur offline do më shumë kohë për të ardhur informacioni në rrugë zyrtare në KQZ, por do jetë një mënyrë e mirë të shkurtuar kohën e numërimit të votave, duke pasur parasysh se do kemi dy kuti votimi, dy fletë votimi.

Duhet garantuar pjesa e teknologjisë, për të mos pasur hakerime. Në buxhet është shtuar pjesa e sigurisë, për të eleminuar sa më shumë të jetë e mundur pjesën e sulmeve kiberentike.

Po punojmë me AKSHI dhe struktura të tjera për të pasur siguri më të madhe për informacionin që gjeneron.