Pas rikthimit të vulës së PD-së në atë të grupit të Rithemelimit, deputeti i PD-së dhe nënkryetari i Kuvendit, Agron Gjekmarkaj, i ftuar në emisionin “Të paekspozuarit” në MCN tv, ka një ftesë ndryshe për pjesën e mbetur në krahun e Bashës.
Sipas tij ata tashmë duhet të mendojnë për një bashkëpunim e jo për copëzim e frontit opozitar.
Është momenti që edhe miqtë që kanë mbetur ende në krahun tjetër, të mendojnë në një formë bashkëpunimi për ta rritur PD, e jo për ta copëzuar edhe më tej qoftë dhe në një parti tjetër, frontin opozitar.
Sot është momenti që çdokush të bëj llogaritë se cila është marrëdhënia që do të kenë me të tashmen dhe me të ardhmen duke ndenjur indiferent ose mbështetur Edi Ramën apo duke investuar për ndryshim duke investuar për besimin e vet te opozita.
Mendoj se kjo e dyta është alternativa.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
