Politologu Ilir Kalemaj, vlerëson takimin e kandidatit të mbështetur nga opozita për bashkinë Tiranë, Florian Binaj, me koordinatorët e partive politike.
Nga studio e “MCN Live” ai deklaroi se Florian Binaj e nis garën për Tiranën me tre avantazhe dhe këtë e tregon unifikimi i gjithë spektrit opozitar rreth kandidaturës së tij.
Është një fushatë shumë interesante, një kandidat më i njohur publikisht nga kandidaturat e mundshme që mund të vinin jashtë Partisë Demokratike.
Një kandidaturë e njohur publikisht, është në avantazh që në start, në mënyrë që në kohën e shkurtër që janë zgjedhjet, të mos shpenzohet shumë kohë. Ky është avantazhi nr.1.
Avantazhi nr.2 është distancimi të paktën publik nga PD dhe partitë e tjera dhe avantazhi i tretë është që të gjithë partitë e spektrit opozitar, pranuan ta mbështesin. Jo vetëm PD, por edhe partitë e tjera, Shqipëria bëhet, Mundësia, Nisma Thurje.
Unifikohet gjithë spektri opozitar rreth një kandidati. Pavarësisht faktit që nuk ka financën apo infrastrukturën e kandidates përballë, e cila vjen nga një parti-shtet dhe vjen me fuqinë e ministres.
Kandidati Flor Binaj ka ngjallur një lloj simpatie, jo vetëm nga spektri opozitar, por edhe nga qytetarët. Varet se si do e menaxhojë këtë proces, deri tani duket se e ka menaxhuar mirë.
Ka qenë i angazhuar në shërbime sociale, deri dhe administrator pallati. Madje edhe prania në protestat publike janë një vlerë e shtuar.
Është lajm i mirë që opozita nuk humbi kohë, por u unifikuan rreth kandidaturës së Flor Binaj.
Mesazhi që jep kandidati Flor Binaj, është një mesazh pozitiv deri në këto momente.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
