Ajo që njihet si PD e Bashës depozitoi sot në Gjykatën e Apelit ankimimin e paralajmëruar në lidhje me vendimin që njeh ndryshimet statutore të miratuara në Kuvendin e 11 dhjetorit.
Vendimi në fjalë, i marrë më 25 mars nga Gjykata e Tiranës, legjitimoi Komisionin e Rithemelimit si organi drejtues i partisë.
Padia e dorëzuar sot në shkallën e detyrë të gjyqësorit kërkon prishjen e këtij vendimi si dhe pushimin ose kthimin në hetim me trupë tjetër gjykuese.
Në padinë e dorëzuar në Apel, pala ankuese është Partia Demokratike, e përfaqësuar me autorizim nga nënkryetari Enkelejd Alibeaj.
Alibeaj e mori detyrën e kryetarit të komanduar të Partisë Demokratike, më 21 mars, pas dorëheqjes së Lulzim Bashës.
Gjykata e Tiranës u shpreh me vendim në lidhje me statutin e PD-së më 25 mars. Vendimi në fjalë rrëzon edhe vetë Alibeajn nga posti i nënkryetarit, megjithatë, duke mos e njohur si të ligjshëm, Alibeaj i është drejtuar shkallës së dytë të gjyqësorit.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
