Ish-kryeministri Berisha thotë se nuk ka pasur asnjë dijeni në lidhje me listat e kandidatëve demokratë për deputetë. Në një intervistë dje pasdite në “Syri”, Berisha foli për mënyrën problematike se si u hartuan listat, por u bëri thirrje zërave kundër Bashës që të shohin në radhë të parë interesat e partisë ku kanë kontribuuar prej vitesh.
Lista e Bashës
Kjo është listë e kryetarit të PD. Nuk do të më shkonte ndërmend të bëja një listë si kjo. Problemi kryesor i kësaj liste është se nuk kaloi në forumet e partisë. Nuk ka ndodhur dhe nuk duhet të ndodhë kurrë më. Përvoja më e hidhur, sot ka një armiqësi shumë të egër për faktin se kryetari mori përsipër përgjegjësinë. Ata nuk i hoqën forumet e partisë, por vetë kryetari. Apeli im është që ky është një gabim i papranueshëm që ju jeni hequr nga listat pa forumet, por në të gjithë investimin tuaj kolosal në PD, mendoj se në qëndrimet politike duhet t’ju udhëheqin interesat e PD. Edhe kryetari duhet të ketë një sens përgjegjësie dhe duhet të gjejë mënyrën për t’i zbutur. PD këtë histori ka, ndarje, bashkime, tolerancë etj.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
