Gjykata liron 40 të arrestuarit e protestës së opozitës, dy mbeten në burg

Gjykata e Tiranës ka lënë të lirë 40 nga 42 të arrestuarit e protestës së 2 qershorit të opozitës.

Në seancën e cila zgjati rreth 4 orë, 2 prej tyre u lanë në arrest me burg, 3 arrest shtëpie dhe 37 detyrim paraqitje.

Gjykata e Tiranës kërkon burg për 26 protestues të opozitës

Sot në Gjykatën Penale të Tiranës u zhvillua seanca për dhënien e masës së sigurisë për 43 personat e arrestuar pas protestës së fundit të opozitës, gjatë së cilës u shënuan akte dhune jo vetëm ndaj policisë, por edhe protestuesit mes tyre.

Organi i akuzës ka kërkuar për 26 prej të arrestuarve masën e sigurisë “arrest me burg”, ndërsa për 17 të tjerë  kërkon një masë më të butë, atë të detyrim paraqitjes.

Ditë më parë Policia e Shtetit njoftoi se pas protestës së 7 kombëtare të opozitës janë proceduar në total 60 persona, ku 42 prej tyre u arrestuan në kushtet e flagrancës, 10 u shpallen në kërkim dhe 17 qytetarë të tjerë ndiqen në gjendje të lirë.

Mbi personat e proceduar rëndojnë akuzat për  “Organizim dhe pjesëmarrje në grumbullime e manifestime të paligjshme”, “Kundërshtimi i punonjësit të policisë së rendit publik”, “Goditje për shkak të detyrës”, “Prishje e qetësisë publike”, ”Shkelje e rregullave mbi lëndët plasëse, djegëse dhe radioaktive”.

Ndërkohë që edhe ndaj sekretarit të Përgjithshëm të PD-së Gazment Bardhi ka filluar një tjetër procedim penal për organizim dhe pjesëmarrje në manifestime të paligjshme.