Pak ditë më parë administrata amerikane ka firmosur një urdhër ekzekutiv që parashikon bllokimin e pasurisë për zyrtarët dhe ish-zyrtarët e korruptuar që kontribuojnë në destabilizimin e Ballkanit Perëndimor, duke përfshirë edhe Shqipërinë.
Lidhur me këtë urdhër, gazetari Klodian Tomorri deklaroi se ky është vetëm fillimi, pasi sipas tij lista e personave që pritet të shpallen non-grata do të jetë më e gjerë se sa vetëm me politikanë.
Ndër të tjera ai sqaroi se nëse ky proces vijon, atëherë rajoni do të shkoj aty ku e meriton, pra në Bashkimin Europian.
Në fakt janë dhënë disa sinjale nga SHBA-të që lista e personave që do shpallen non-grata do të jetë më e gjerë se sa thjesht me politikanë. Flitet që ka përfaqësues biznesi, mediave dhe sipas informacioneve ata janë përfshirë në korrupsion apo në projekte, veprimtari që cenojnë sigurinë e rajonit dhe SHBA. E njëjta gjë do të shtrihet në të gjithë Ballkanin Perëndimor dhe kjo është një tregues se Shtetet e Bashkuara të Amerikës kanë nisur të merren seriozisht me Ballkanin Perëndimor sepse ka pasur një periudhë konkretisht ajo nën drejtimin e Donald Trump ku merreshin më shumë me problemet e brendshme. Por me drejtimin e Biden, është vendosur që Ballkani Perëndimor të mos mbetet më peng i korrupsionit e cila prej 30 vitesh e mban rajonin larg BE dhe në standarde të ulëta duke mos lejuar progresin për shkak të aferave. Të shpresojmë të ketë nisur një plan për të çliruar Ballkanin që i gjithë rajoni të shkojë aty ku e meriton, pra në BE. Shpresojmë që ka nisur ky proces për ta çliruar rajonin nga tranzicioni i stërzgjatur.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
