Kryedemokrati Lulzim Basha ka zgjedhur Fushë-Krujën për të parë nga afër dëmet që la pas përmbytja e dy ditëve më parë. Kreu i opozites pa nga afër dëmet dhe kërkoi të ndihmohen familjet e prekura.
Sipas asaj që raporton PD, Basha ka shkuar edhe në Bilaj, ku emergjencat civile kanë vepruar me vonesë.
“Në Fushë Krujë janë përmbytur 2 lagje me 1500 banorë dhe tërësisht 3 fshatra në zonën e Bubqit me 100 shtëpi dhe 600 ha tokë”- njofton PD.
Nga takimi me banorët, Basha i ka bërë apel kryeministrit Rama: Dërgo ndihma në Fushë Krujë. Sipas tij, banorët në Hasan dhe 2 lagje të përmbytura në qytet pa bukë.
“Banorët ankohen tek Basha se askush nuk u ka dhënë asnjë kg miell. Fëmijët janë pa ngrënë 24 orë”- njofton PD.
Ata i janë ankuar Bashës se askush nuk ka shkuar t'i ndihmojë.
“Rama ishte 5 minuta mbrëmë në autostradë”- kanë thënë disa banorë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
