Kryeministri Edi Rama i cili ka nisur pushimet nga Dhërmiu, i zgjedhur prej tij prej vitesh ka informuar lidhur me shifrat e hyrjeve nga aeroporti i Rinasit dhe pika e kalimit kufitar të Morinës.
Me anë të një videomesazhi në rrjetet sociale, kreu i qeverisë bëri të ditur se nga aeroporti “Nënë Tereza” këtë vit kanë hyrë thuajse 1 milionë e 200 mijë pasagjerë ose mbi 350 mijë më shumë.
Këtë korrik është thyer rekordi i hyrjes së në një ditë të vetme, 44 mijë. Aeroporti ka operuar deri në 252 fluturime në ciklin e 24 orëve, një volum marramendës dhe i paimagjinueshëm.
Fatmirësisht për shifrat e aeroporti nuk mund të thonë dot gjë as ato gojët me qime të atyre që nuk pushojnë u zbraz Shqipëria, se aeroporti i Tiranës po mbush vitin në krye të klasifikimit europian për rritjen relative me vitet paraardhëse, ndërsa numër pasagjerësh për numër pasagjerësh, Tirana e ka spostuar në vend të dytë aeroportin e Beogradit, i cili mbante vendin e parë në rajon.
Edhe shifrat e hyrjes në Morinë, tregojnë se këtë vit kanë hyrë 175 mijë automjete më shumë se vjet dhe 3 mijë automjete për korrikun më shumë se vjet, edhe ajo teoria për shqiptarët e Kosovës që e kanë braktisur Shqipërinë janë zero me xhufka.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
