Deputetja demokrate Greta Bardeli thotë se opozita është në stinën e protestave dhe se ajo e paralajmëruar në 20 shkurt do të jetë shumë e fuqishme.
Duke folur për “MCN Live” ajo deklaroi se qëllimi i vetëm i protestave është që të shkohet drejt një qeverie tranzitore, për të qeverisur në anën e qytetarëve
Partia Demokratike është në stinën e protestave, datat janë simbolikë, por çdo protestë që kemi zhvilluar ka qenë e fuqishme dhe popullore. Shqiptarët sot janë më të braktisur se kurrë, më të rrënuar se kurrë nga kjo keqqeverisje.
Nga hetimet e SPAK del me fakte se kjo qeveri ka rënë, është e inkriminuar dhe ka kryer korrupsion galopant. Qëllimi i vetëm i opozitës dhe të protestave tona është të shkojmë në një qeveri tranzitore. Me anë të këtyre protestave të fuqishme të mbështetura paqësore, po kërkojnë një qeveri që i qeveris që është në anën e qytetarit, jo një qeveri e korruptuar.
Të shumtë jemi në shesh dhe më të shumtë do jemi edhe në 20 shkurt. Kreu i opozitës ditët e fundit ka shtrirë dorën për bashkëpunim me qytetarët, duke qenë aleat me ta. Sot protesta është në duart e qytetarëve, edhe pse protesta është thirrur nga një parti politike. Ne jemi në aleancë me qytetarët për të garantuar zgjedhje të lira dhe të ndershme.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
