Kryeministri i Kosovës, Ramush Haradinaj, u takua me presidentin e Shqipërisë, Ilir Meta.
Haradinaj përmes një postimi në rrjetin social "Facebook", tha se me presidentin Meta kanë biseduar për proceset aktuale, në të cilat po kalojnë të dyja vendet.
"Liberalizimi i vizave për Kosovën dhe hapja e negociatave të Shqipërisë për BE janë hapa të mëdhenj për ne, por edhe për rajonin në përgjithësi", tha Haradinaj.
"Në këto dy çështje, por edhe për procese të tjera, bashkëpunimi Kosovë - Shqipëri do të vazhdojë të fuqizohet”, shtoi ai.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
