Deklarata e Kryeministrit Rama në Asamblenë e OKB-së ku iu kërkoi 193 vendeve pjesëmarrëse që të njihnin pavarësinë e Kosovës, ka sjellë reagimin e Kryeministres së Serbisë Ana Brnabiç.
Në një deklaratë për median serbe “Tanjug”, Brnabiç ka thënë se deklarata të tilla nuk janë të mira për sigurinë rajonale.
“Përgjigja më e mirë u dha nga Sekretari i Përgjithshëm i OKB -së, Antonio Guterres, në fjalinë e parë ai më tha se Kosova nuk është shtet për ne. Kjo është përgjigja më e mirë diplomatike”, tha Brnabiç.
Kujtojmë që Rama gjatë fjalës së tij në Asamblenë e Përgjithshme të OKB-së mbrëmjen e djeshme, tha se kjo asamble nuk është e plotë dhe s’do të jetë e plotë pa Kosovën.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
