Ish-kryeministri Berisha e sheh djegien e mandateve si të vetmen mundësi që i ka mbetur opozitës. Pas votimit të kryeprokurores së përkohshme në Parlament, Berisha tha se opozita i largohet pushtetit nëse nuk mbështetet në protesta.
Megjithatë, Berisha shtoi se ky është qëndrimi i tij personal.
“E siguroj opozitën se nuk vjen kurrrë në pushtet nëse nuk e sjellin ata që erdhën për ta mbështetur nga e gjithë Shqipëria. Mund të ketë vetëm djegien e mandateve. Këto vendime i merr grupi, unë po flas si Sali Berisha. Në këto kushte në Parlament, opozita vetëm sa i largohet pushtetit. Do të thotë që asnjë deputet nuk është më deputet. Shoqëria sorosiane për 6 muaj nuk solli një njeri dhe la pa rkijuar KLP”, tha Berisha.
Berisha sqaroi edhe përplasjen në foltoren e Kuvendit me punonjësit e Gardës.
“Sot në Parlament, Edi Rama organizoi një pritë cubash ndaj meje. Kërkova fjalën për procedurë. Kryetari i Parlamentit më kërkoi që të flisja pas parafolësit dhe kështu u veprua. U nisa për të thënë fjalët e mia. Edi Rama urdhëroi mercenarë, shefin e rojeve të Gardës dhe bëri një pritë që nuk ka ndodhur kurrë në historinë e Parlamentit. Një cub, një fundërrinë pa asnjë parim urdhëron rojet që të më pengojnë të flas. Edi Rama e bëri, Gramoz Ruçi nuk mund ta bënte kurrë. Kjo ka domethënien se kjo opozitë në këtë Parlament, e dhunuar në shkallë ekstreme, nuk ka bëshkëjetesë dhe i lind e drejta me këtë që bëri Rama me emërimin e prokurorit të përkohshëm të marrë çdo vendim për të përmbysur Ramën”, tha ai.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
