Partia Demokratike e konsideron grabitje të qeverisë “Rama” taksën që pritet të aplikohet për autostradën Tiranë-Durrës. Në një deklaratë për mediat, ish-deputeti i Partisë Demokratike, Endri Hasa, tha se fituesi i koncesionit është paracaktuar.
“Pak ditë më parë, PD paralajmëroi shqiptarët se qeveria shqiptare ka nisur të zbatojë projektin “të kapim ç’të kalim”. Ndër ta është edhe koncesioni për autostradën Tiranë – Durrës, duke detyruar shqiptarët të paguajnë 2.5 euro. Në krye ka vendosur ministren Balluku. Fituesi i koncesionit është paracaktuar muaj më parë nga qeveria e Edi Ramës, njësoj si në autostradën Durrës- Kukës. Për autostradën Tiranë – Durrës qeveria ka shpenzuar 4 milionë euro për shpenzime me palma. Këto para do të hidhen në kosh se Edi Rama dhe Belinda Balluku kanë vendosur të vjedhin shqiptarët”, tha Hasa.
Në emër të PD-së, Hasa paralajmëroi se kompanitë që të mos marrin pjesë në koncesione të tilla, që sipas tij, me ardhjen në pushtet të demokratëve do të anulohen.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
