Komisioni i Rithemelimit reagon lidhur me deklaratën e Sali Berishës, i cili njoftoi se do të marrë pjesë në mbledhjen e grupit parlamentar dhe kundërpërgjigjes së ardhur nga Gazment Bardhi.
Floriana Garo, në cilësinë e Drejtores së Komunikimit thotë se mendimi, qëndrimi dhe vullneti i grupit parlamentar u injorua dhe u përdhos ditën kur për pezullimin anti-statutor të Sali Berishes nga grupi parlamentar, vendosi një individ duke mos pyetur fare as grupin parlamentar dhe asnjë institucion tjetër të Partisë Demokratike.
Ajo shton më tej se mandati i çdo deputeti të Partisë Demokratike është marrë në datën 25 prill nga votuesit e Partisë Demokratike.
Besimi i demokratëve në mandatin e Sali Berishës u konfirmua në 11 Dhjetor, 18 Dhjetor dhe më pas në 6 Mars. Ata që morën vendime duke shkelur statutin, pa pyetur Këshillin Kombëtar e grupin parlamentar dhe kthyen PD për herë të parë në histori në forcë të tretë, sot nuk duhet të japin leksione dinjiteti por duhet të lexojnë vullnetin e demokratëve të shprehur qartë me votë si e vetmja rrugë për të ecur përpara! Në demokraci respektohet mendimi i gjithsecilit por vendos shumica. Koha ku vota e demokratëve zëvendësohej me urdhra dhe vullnete të liga ka marrë fund! Çdo demokratë e demokrat duhet të ndahet nga ajo kohë!
Në mbyllje Garo shton se demokratet kanë folur me votë dhe të gjithë duhet të respektojnë votën dhe vullnetin e tyre dhe se “Vetëm të bashkuar do mund të ecim përpara dhe të fitojmë!”
Bardhi i përgjigjet Berishës: Imponimi ndaj grupit parlamentar, i papranueshëm
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
