Kreu i SPAK Altin Dumani në kuadër të raportimit të Kuvend, iu përgjigj pyetjeve të kreut të grupit parlamentar të PD-së në lidhje me disa çështje të rëndësishme, mes të cilave edhe hetimet për inceneratorin e Tiranës.
Hetimin për inceneratorin e Tiranës Dumani e konsideroi një hetim kompleks, që nuk është në kompetencë të tij.
Ndër të tjera ai tha se marrëdhëniet e tij me kryeministrin janë “vetëm institucionale dhe proceduriale”.
Lidhur me hetimet për inceneratorin e Tiranës, Dumani tha: “Nuk kam asnjë lloj kompetence për hetimin e çështjeve të tilla. Është një problematikë. Si drejtues i SPAK me aq sa më lejon ligji kam bërë gjithë përpjekje të nxis prokurorët dhe hetuesit, t’u krijoj kushtet me qëllim evadimin e çështjeve. Kam shtuar një prokuror në grupin e hetimit, kam shtuar numrin e hetuesve për çështjet konkrete. Hetimi është i vështirë. Krimet e natyrës korruptive janë më të vështirat, sepse janë krime intelektuale, ku fshihen gjurmët e krimit. çështja është në hetim paraprak, vazhdon të hetohet, dhe verifikohet përfshirja e çdo personi. Është hetim shumë kompleks”.
Dumani konfirmoi edhe një herë se ka një hetim paraprak në lidhje me abuzimet e fondeve të IPARD-it, ndërsa preferoi të mos jepte më shumë detaje.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
