Sot, prej orës, do të nis seanca e radhës së Kuvendit të Shqipërisë, mes së cilave pika të rendit të ditës, do të votohet edhe projektvendimi për miratimin e programit politik dhe përbërjes së Këshillit të Ministrave.
Seanca do të zhvillohet në tre pjesë.
Në të parën, do të prezantohet programi i qeverisë dhe Këshillit të Ministrave nga vetë kryeministri Edi Rama.
Pastaj, është faza e dytë, e cila përfshin të gjitha pyetjet. Dhe në fund, hapet debati dhe zhvillohet votimi, i cili është një votim i vetëm, qoftë kjo për përbërjen e Këshillit të Ministrave, qoftë për programin qeverisës 2021-2025.
Kryeministri Rama do të prezantojë edhe programin e Qeverisë për katër vitet e ardhshme.
I gjithë programi, ka të bëj më vizionin “Shqipëria 2030”, i cili ka qenë fokusi i kryeministrit Edi Rama gjatë gjithë fushatës së tij para zgjedhjeve të 25 prillit.
Pesë janë shtyllat kryesore, ku do të fokusohet kjo qeveri e prezantuar më 2 shtator nga Rama.
E para ka të bëjë me rimëkëmbjen e ekonomisë nga tërmeti i vitit 2019 dhe pandemia e COVID-19, që u shfaq në Shqipëri në mars 2020.
Vijon me të dytën në radhë, që është mirëqenia e të gjithëve, që do të përkthehet në një ekonomi të zhvilluar që krijon shanse për të gjithë.
E treta ka të bëjë me modernizimin për zhvillim të ekonomisë prodhuese, turizmit, energjisë, bujqësisë, ekonomisë digjitale, transporteve dhe shërbimeve.
E këtarëta ka të bëj me familjen, ku, sipas tyre, do të ndërtohet e ardhmja.
E fundit nga radha e pesë shtyllave të qeverisë është kurorëzuar me termin “Shqipëri e fortë”, që ka të bëjë me ndërtimin e një shteti të fortë, vëmendje për çdo shqiptar dhe me dinjitet në botë.
Votimi i qeverisë së re, vjen pas dekretimit të bërë nga presidenti Ilir Meta, më 14 shtator.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
