Defekt në pajisjen identifikuese në një QV në Durrës, kryetarja Sako nuk arrin të votojë

Është pezulluar për pak kohë, votimi në një Qendrën e VOTIMI 1461 në Durrës, ku kishte ardhur për të votuar kryetarja e Bashkisë Emirjana Sako.

Korrespondentja e Durrësit Ervina Garo, bëri të ditur për MCN tv, se është bllokuar pajisja identifikuese e gjurmës së gishtit, dhe se është nisur nga KQZ pasisja tjetër e identifikimit.

Kësisoj kryetarja e Bashkisë e cila kandidon nën siglën e PS do votonte në këtë qendër, por nuk ka votuar për shkak të bllokimit të pajisjes së identifikimit biometrik, e cila ka pasur defekt.

Procesi është pezulluar për disa minuta deri në ardhjen e një tjetër pajisjeje, e cila raportohet se është nisur nga KQZ.

Më pas kryetarja Sako do të kthehet për të votuar në qendër.