Komisioni Qendror i Zgjedhjeve ka publikuar sot shifrat mbi moshën mesatare të deputetëve të rinj të zgjedhur në Kuvendin e Shqipërisë.
Sipas shifrave, janë vetëm 10, deputetët të cilët kanë moshë më të vogël se 35 vjeç. Grupmosha me përfaqësi më të madhe është ajo 51-60 vjeç. 53 deputetë të Kuvendit të ri, i përkasin kësaj grupmoshe.
Mbi 70 vjeç ndërkaq, do të jenë vetëm tre deputetë të zgjedhur.
Sipas partive, moshën mesatare më të ulët të deputetëve të zgjedhur, e ka Lëvizja Socialiste për Integrim, me 45.5 vjeç.
Deputetët e Partisë Socialiste, kanë një moshë mesatare 49.3 vjeç. Ata demokratë 49.5 vjeç. Ndërsa, tre socialdemokratët e zgjedhur për në Parlament, kanë moshë mesatare 49.7 vjeç.
Kandidatja më e re në moshë, është Andia Ulliri. Ajo ka garuar për Partinë Demokratike, në qarkun e Durrësit. Më e moshuara nga ana tjetër, e cila do të hapë dhe legjislaturën e re të Kuvendit, do të jetë Luljeta Bozo, 79 vjeç.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
