Partia Demokratike ka dënuar, sipas saj, dhunën e ushtruar sot nga kryetari i Bashkisë së Pukës, Gjon Gjonaj ndaj kryetarit të grupseksionit të PD dhe shtabit të fushatës, Demir Hyseni.
Përmes një njoftimi për mediat, PD-ja shprehet se Demir Hyseni ka qenë vazhdimisht nën presionet dhe kërcënimet e kryetarit të Bashkisë Pukë, duke shtuar se një mercenar i Frrokut, por sot, me nisjen e fushatës elektorale, është bastisur dhe dhunuar prona e funksionarit demokrat.
“Pa marrë në konsideratë dokumentacionin e Hysenit që tregon ligjshmërinë e aktivitetit të tij, Kryetari i Bashkisë së Pukës, ka urdhëruar shkatërrimin e biznesit të Hysenit thjesht për motive politike.
Partia Demokratike i kërkon qeverisë dhe autoriteteve të ndërhyjnë menjëherë dhe të vënë para përgjegjësisë ligjore kryetarin e Bashkisë Pukë, dhe cdo polic që është bërë pjesë e urdhërave të paligjshëm dhe politik.”, -thuhet në njoftimin për mediat.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
