Përmbushja e rekomandimeve të raportit përfundimtar të OSBE-ODIHR për zgjedhjet, për komisionerin Shtetëror të Zgjedhjeve, Ilirjan Celibashi, duhet të filloi menjëherë.
Celibashi publikoi rekomandimin e parë të OSBE/ODIHR në raportin për zgjedhjet e 25 prillit ku theksohet nevoja e ndryshimeve ligjore me një proces të hapur e gjithëpërfshirës.
“Koha për t’i përmbushur ka filluar”, apeloi Celibashi.
“Raporti përfundimtar i misionit të kufizuar të ODIHR-it për vëzhgimin e zgjedhjeve.
Rekomandimi nr. 1.: kuadri ligjor ka nevojë për rishikim të mëtejshëm për të adresuar rekomandimet e pa adresuara të ODIHR-it dhe të Komisionit të Venecias, si dhe një sërë paqartësish dhe mospërputhjesh. Ndryshimet në ligj duhet të paraprihen nga një proces i hapur dhe gjithëpërfshirës konsultimesh, dhe të miratohen para zgjedhjeve të ardhshme”, thuhet në rekomandimin e OSBE/ODIHR.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
