Afro një javë nga protesta e 7 tetorit e cilësuar nga opozita si nisja e mosbindjes civile, sekretari për çështjet ligjore në Partinë Demokratike Ivi Kaso zbulon për MCN se aksioni i radhës është protesta jashtë Shqipërisë dhe bllokimi i rrugëve nacionale.
Sipas burimeve, nga data 22 deri më datë 24 tetor një grup prej rreth 40 deputetësh demokrat do të protestojnë në Parlamentin Evropian ku do të mbështeten edhe nga diaspora.
Aksioni i Partisë Demokratike për mosbindjen civile duket se ka shqetësuar më shumë ish-aleatin e saj Dashamir Shehi i cili kërkon që aktiviteti në parlament të vijoi normalisht.
Madje ai ngre dyshime se protestat e PD-së nuk janë kundër Ramës por për të zënë hapësirën opozitare dhe për të mos lejuar partitë e Reja.
Sipas Shehit, pas zgjedhjeve mund të ketë bashkim votash nëse do të plotësohen numrat për të krijuar qeverinë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
