Kryeministri i Shqipërisë Edi Rama teksa ndodhet për një vizitë në Turqi, ka zhvilluar një takim edhe me sipërmarrësin e vaksinave Canturk Alagoz.
Lajmi është bërë i ditur nga vetë Rama me anë të një postimi në rrjetet sociale.
Rama krah fotos të publikuar falenderon sipërmarrësin e njohur për vaksinat e dhuruara për vendin, si dhe shtoi, se u diskutua për hapjen e një filiali fabrike të vaksinave Sinovac në Shqipëri.
“I nderuar nga mikpritja e këtij zotërie mbresëlënës, Canturk Alagöz, një personalitet i shkencës dhe biznesit turk, pronari i kompanisë së prodhimit të disa lloje vaksinash, e njëkohësisht distributori i vaksinës Sinovac, me të cilin pasi e falenderova me mirënjohje për ndihmën jetike, diskutuam për projektin e ndërtimit të fabrikës së vaksinave në Shqipëri, si pjesë e një qendre ekselence farmaceutike…Të shohim”, shkruan Rama.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
