Ditën e sotme Kuvendi do të mblidhet në një seancë plenare. Ashtu si për çdo herë, seanca pritet të nisë në orën 10:00.
Në rend të ditës është parashikuar miratimi i disa projektligjeve, ndërkohë që në axhendë thuhet se është kërkuar interpelancë nga deputeti i PD-së Zef Hila me ministren e Shëndetësisë dhe Mbrojtjes Sociale, Ogerta Manastirliu dhe ministren e Financave dhe Ekonomisë, Delina Ibrahimaj.
Rendi i ditës
Në mbështetje të Urdhrit nr. 28, datë 12.04.2022 të Kryetares së Kuvendit, znj. Lindita Nikolla, rendi i ditës është si më poshtë vijon:
1. Miratimi i procesverbalit të seancës plenare datë 11.04.2022.
2. Njoftime.
3. Interpelancë me ministren e Shëndetësisë dhe Mbrojtjes Sociale, znj. Ogerta Manastirliu dhe ministren e Financave dhe Ekonomisë, znj. Delina Ibrahimaj kërkuar nga deputeti Zef Hila.
4. Raportimi i veprimtarisë së Entit Rregullator të Ujit (ERRU) për vitin 2021.
5. Për miratimin e aktit normativ nr. 2, datë 2.3.2022, “Për një shtesë në ligjin nr. 8952, datë 10.10.2002, “Për letërnjoftimin elektronik të shtetasve shqiptarë”, të ndryshuar.
6. Projektligj “Për organizimin dhe funksionimin e grupeve vendore të veprimit”.
7. Projektligj “Për disa shtesa dhe ndryshime në ligjin nr. 35/2016 “Për të drejtat e autorit dhe të drejtat e tjera të lidhura me to”
8. Projektvendim “Për zgjedhjen e një anëtari për pozicionin Komisioner i Avokatit të Popullit në Seksionin për Mbrojtjen dhe Promovimin e të Drejtave të Fëmijëve.
9. Projektvendim “Për zgjedhjen e një anëtari për pozicionin Komisioner i Avokatit të Popullit në Seksionin e Mekanizmit Kombëtar për Parandalimin e Torturës, Trajtimit ose Dënimit të Egër, Çnjerëzor ose Poshtërues”.
10. Projektvendim “Për miratimin e strukturën, organikës dhe kategorizimit të pozicioneve të punës të punës të Entit Rregullator të Sektorit të Furnizimit me Ujë dhe largimit e përpunimit të ujërave të ndotura (ERRU)”.
11. Projektvendim per ngritjen e nënkomisionit “Për zhvillim të qëndrueshëm”.
12. Diskutime për çështje jashtë rendit të ditës.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
