Në seancën e sotme, maxhoranca ka miratuar pa praninë e opozitës disa projektligje.
Me 71 vota, maxhoranca miratoi sot projektligjin për gazin natyror, projektligjin për dhënien me qira të tokave bujqësore, aderimin në marrëveshjen e Lisbonës, ndërsa me procedurë të përshpejtuar kaloi projektligjin për ndryshime në ligjin e gjendjes civile.
Ndërkohë, deputetët e opozitës vijojnë bojkotin që prej seancës së parë të këtij sesioni që nisi më 3 shtator.
Ashtu siç e ka bërë traditë, opozita u mblodh sot paralel me seancën parlamentare, kësaj radhe në një hotel në kryeqytet, ku kreu i demokratëve, Lulzim, Basha, propozoi masat “Antimafia”, me anë të të cilave PD-ja synon të ndalë dhënien e koncesioneve abuzive përmes ndryshimit të ligjit me të njëjtin emër.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
