Gara për kreun e Byrosë Kombëtare të Hetimit (BKH) ka hyrë në fazën e dytë, pas publikimit nga SPAK të emrave të shtatë kandidatëve që kanë kaluar në këtë fazë.
Megjithatë, gazetarja investigative Klodiana Lala, e ftuar në emisionin "Të Paekspozuarit" në MCN TV, theksoi se problemi kryesor nuk është zgjedhja e kandidatit, por mundësia që Këshilli i Lartë i Prokurorisë (KLP) të rrëzojë procesin dhe të detyrojë rinisjen e tij nga e para, për shkak të paqartësive ligjore.
Unë e konsideroi garën për kreun e BKH-së si shumë më tepër se një proces emërimi.
Një garë për kreun e BKH-së nuk është thjesht një ‘luftë’ për një post. Kjo ka të bëjë me burimin e informacionit që mund të marrë politika dhe krimi i organizuar. Prandaj, është një betejë shumë e ashpër.
Unë e shoh problemin kryesor te KLP, i cili mund të ndalojë procesin, duke e kthyer gjithçka në pikën e nisjes.
Ajo që shoh unë si problem është se çfarë do të bëjë KLP.
Kjo është ajo që ngre gjithë debatin. Nëse KLP e rrëzon kandidaturën, procesi duhet të rinisë nga e para, dhe kjo nuk është e qartë në ligj.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
