Elezi: Struktura me të cilën Berisha po e fut PD-në në garë nuk mund të sjellë fitore. Shumica e demokratëve besojnë tek SPAK-u

Ibsen Elezi, ish-anëtar i Këshillit Kombëtar tha në studion e MCN Live se struktura me të cilën Berisha po e fut PD-në nuk do të sjellë fitore.

I ndalur tek retorika kundër SPAK, Elezi tha se edhe pse Berisha e cilëson si organizatë kriminale, shumica e demokratëve besojnë tek kjo strukturë.

Fakti që Berisha nuk ka ndërtuar dot ekip të ri, të rithemeluar siç e pretendoi nga pamundësia apo mungesa e dëshirës janë çështje të tjera, struktura me të cilën po e fut PD-në në garë është një strukturë që nuk mund të sjellë fitore, është shumë e vështirë të sjellë fitore. Ky është argumenti që themi. Duke mos bërë një reformim të PD-së në përmbajtje, por edhe në figura nuk mund të sjellësh fitore se duhet të paraqesësh modelin e ndryshëm të Edi Ramës. E dyta, retorika kundër SPAK. Në janar ishte një sondazh që 50% e demokratëve e mbështesnin SPAK, 60 % e opinionin publik e mbështesnin SPAK, ishin vetëm 19% kundra. Një fashë e ndërmjetme nuk ishin kundra por nuk kishin besim që SPAK mund të bëjë gjë. Mbështetja ndaj SPAK është në masivitet, është mbi 60%. Edhe pse Berisha ka thënë është organizatë kriminale, shumica e demokratëve besojnë se ato po shohin. Atyre nuk i intereson se çfarë thotë Berisha kur shohin që futen njerëzit në burg.