Kreu i PD, Lulzim Basha deklaroi se ndryshimi do të vijë në datën 25 prill me votën e qytetarëve.
Pas takimeve që pati këtë të shtunë në Berat, Basha u shpreh i bindur se për qytetarët, koha e Edi Ramës në qeveri ka mbaruar. Lideri demokrat thekson se këto zgjedhje nuk do të jenë as për të e as për Ramën, por për shqiptarët.
“Sot në Berat ku takova dhe bisedova me qindra qytetarë, sipërmarrës, të rinj e të reja, gra e burra entuziastë për ndryshimin që po vjen. Beratasit janë të bindur tashmë se koha e Ramës ka kaluar. Në 8 vite ai vetëm e rrënoi Shqipërinë. Berati si e gjithë Shqipëria pret me padurim ndryshimin e madh. Ndryshim që do të vendoset më 25 prill me votën e shqiptarëve. Këto zgjedhje nuk janë për Ramën apo për mua. Këto zgjedhje janë për shqiptarët! Më 25 prill, Rama humb dhe Shqipëria fiton! =SHQIPERIAFITON”, tha Lulzim Basha në “Facebook”.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
