Ministi i Brendshëm, Sandër Lleshaj ka folur mbi takimin zyrtar me homologun e tij në Kosovë, Agim Veliu.
Lleshaj është shprehur se gjatë takimit të sotëm në Prishtinë me ministrin Veliu janë dakordësuar mbi një sërë çështjesh me interes të përbashkët në fushën e sigurisë.
Nëpërmjet një postimi në Facebook, ministri ka shpjeguar se do të ketë bashkëpunim policior mes dy vendeve, me në fokus lufën kundër terrorizmit, trafikimit të qënieve njerëzore dhe lëndëve narkotike, krimit të organizuar dhe sigurisë publike.
“Sot në Prishtinë pata një takim zyrtar me Ministrin e Punëve të Brendshme të Republikës së Kosovës, z. Agim Veliu dhe delegacionin që e shoqëronte.
Dakordësuam se bashkëpunimi në fushën e sigurisë është i një rëndësie të veçantë, por edhe kusht i ndërtimit të marrëdhënieve në fushat e tjera të interesit të përbashkët.
Lufta kundër terrorizmit dhe parandalimit të ekstremizmit të dhunshëm, kundër migracionit ilegal, trafikimit të qenieve njerëzore, lufta kundër trafikimit të narkotikëve, krimit të organizuar, por edhe siguria publike në përgjithësi janë fushat ku punohet për të thelluar bashkëpunimin policor.”ka shpjeguar ministri Lleshaj.
Në fund të këtij takimi është rënë dakort për ngritjen e disa grupeve të përbashkëta pune me qëllim koordinimin më të mirë të zbatimit të marrëveshjeve të nënshkruara dhe bashkëpunimit policor
“Gjatë takimit u diskutuan çështje të forcimit të marrëdhënieve në fushën e rendit dhe sigurisë publike.
Gjithashtu folëm mbi zbatimin e protokollit për oficerët e kontaktit, si dhe ecurinë e zbatueshmërisë së Pikave të Kalimit Kufitar mes dy vendeve.
Me homologun e Kosovës ramë dakord që të ngrihen grupe të përbashkëta pune me qëllim koordinimin më të mirë të zbatimit të marrëveshjeve të nënshkruara dhe bashkëpunimit policor” shkruan Lleshaj.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
