Gazetari Sebastian Zonja thotë se Edi Rama i ngjan Ahmet Zogut në politikën e tij, referuar vizitës së kryeministres italiane Giorgia Meloni në vendin tonë dhe ngritjes së kampit të refugjatëve në Shëngjin.
Duke folur në emisionin “Scrolling” të Arian Çanit në MCN TV, Zonja deklaroi se parimi kryesor i gjeopolitikës, përsëritet pasi gjeografia në gjeopolitikë i mbivendosen gjithmonë historisë.
Ndërsa për investigimin e RAI3, ku ish-zëvendëskryeministri Arben Ahmetaj deklaronte se kishte parë me sytë e tij takimet e kryeministrit Edi Rama me kriminelë, Zonja tha se kryeministrit i është dëmtuar imazhi te ndërkombëtarët.
Rama e ka të dominuar gjithë skenën e brendshme politike, po e shijon këtë goditje që po i bëhet, për ta bërë në një farë mënyre borxhlie Melonin ndaj Edi Ramës.
Rama duket se është i vërmi që kalon që nga narracioni, edhe nga mënyra si ndërton ligjërimin politik. Fjala e tij duket sikur nuk ka një fund.
Nga ana tjetër ajo çka e dëmton dhe i vjen keq dhe do të punojë pas disa ditësh, do të shohim se Ramës i është dëmtuar imazhi te ndërkombëtarët.
Së brendshmi Rama e ka situatën nën kontroll, në rendin ndërkombëtar ai do të rikurojë imazhin e tij se i është dëmtuar.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
