Ministri për Evropën dhe Punët e Jashtme, Ferit Hoxha, është takuar në Bruksel me raportuesin për Shqipërinë në Parlamentin Europian, Andreas Schieder, menjëherë pas miratimit të rezolutës nga Komisioni i Jashtëm.
Gjatë takimit, Hoxha shprehu mirënjohjen e tij për mbështetjen e raportuesit dhe theksoi rëndësinë e rezolutës së miratuar.
Miratimi i rezolutës përcjell një mesazh të fortë dhe inkurajues në mbështetje të rrugës sonë drejt anëtarësimit evropian.
Në diskutim u trajtua edhe ecuria e procesit të negociatave me Bashkimin Europian, si dhe nevoja për vijimin e reformave të brendshme si pjesë e agjendës së integrimit.
Sipas Hoxhës, Shqipëria vlerëson lart rolin e eurodeputetëve dhe mbështetjen e vazhdueshme të partnerëve të zgjerimit, të cilët, sipas tij, besojnë në një Evropë më të bashkuar dhe të orientuar drejt së ardhmes.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
