Seanca plenare u ndërpre pas tensioneve të krijuara gjatë shqyrtimit të projektmarrëveshjes së bashkëpunimit me Shtetet e Bashkuara të Amerikës në fushën e mbrojtjes.
Kryetari i Kuvendit, Niko Peleshi, vendosi që projektmarrëveshja të trajtohej me procedurë të përshpejtuar, duke njoftuar se seanca do të rifillojë në orën 15:00, pasi dokumenti të shqyrtohet më parë në komisionet parlamentare.
Vendimi u kundërshtua nga deputetët e Partisë Demokratike, të cilët bllokuan foltoren në shenjë proteste, duke pamundësuar vijimin normal të punimeve.
Për shkak të situatës së tensionuar dhe përplasjeve në sallë, drejtuesi i seancës vendosi mbylljen e punimeve, ndërsa shqyrtimi i marrëveshjes pritet të vijojë në seancën e pasdites.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
