Zgjedhjet europiane/ Basha u bën thirrje shqiptarëve në vendet e BE-së të votojnë të djathtën

Qytetarët e Bashkimit Europian do të zgjedhin drejtuesit e rinj, në zgjedhjet që kanë filluar dje në BE.

Kreu i PD, Lulzim Basha, nëpërmjet një videoje live u ka bërë thirrje të gjithë shqiptarëve në vendet e BE-së për të votuar partitë simotra të Partisë Popullore Europiane.

'Zgjedhjet për Parlamentin Europian janë një betejë për ta mbajtur Europën të fortë, të bashkuar për të siguruar anëtarësimin e Shqipërisë në BE. Kërkesa ime ndaj jush është t'u drejtoheni kutive të votimit dhe të zgjdhini Partinë Popullore Europiane. Të zgjidhni partitë simotra të partisë Popullore Europiane, partisë që ka udhëhequr Europën, votoni dhe në këtë mënyrë keni votuar për të përmirësuar pozitat tuaja si shtetas në vendet anëtare të BE, për një parti të vizionit Europian, të një Europë të plotë', u shpreh Basha.