Në një komunikim me gazetarët e vendeve të Bashkimit Europian, duke folur për protestën e nisur ndaj projektit në Zvërnec, Kryeministri Edi Rama, e cilëson diçka shumë e mirë që njerëzit të mund të protestojnë pa asnjë problem.
Ai kujtoi se në janar të vitit 2011, katër protestues u vranë me armë, të qëlluar nga godina e kryeministrisë.
Nga ana tjetër, shtoi se nuk ka asnjë projekt për Zvërnecin dhe se revolta nisi nga akti i dhunës.
Është diçka shumë e mirë që njerëzit të mund të protestojnë pa asnjë problem, edhe pse mund të duket gjëja më e vogël, është një tjetër arritje e kësaj dekade, një arritje për të cilën shqiptarët kanë luftuar për një kohë të gjatë.
Kjo protestë është provokuar nga një akt i shëmtuar dhune nga një roje sigurie kundër një protestuesi në kufirin e tokës, vendit për të cilin po flasim, për të cilin morëm masa më të ashpra dhe më të shpejta.
Roja është arrestuar, drejtori i policisë së Vlorës u shkarkua dhe njësia e policisë që ishte në terren dhe nuk ndërhyri menjëherë për të ndalur rojën.
Kompanisë së sigurisë i është hequr licenca. Akti i dhunës ndezi ndjenjat, u bë virale dhe çeli rrugën për ngritjen e pikëpyetjeve mbi zhvillimin, pronën, projektin.
Gjithçka ndryshoi sepse befas nuk ka projekt. Protesta u shndërrua në protestë masive me refrenin anuloni projektin, thashë, “po e anulojmë në këtë moment, por më tregoni projektin”.
Nuk ka projekt!
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
