Në vizitën e parë zyrtare të nivelit të lartë në Spanjë në historinë e marrëdhënieve bilaterale midis dy vendeve mungoi një konferencë e përbashkët për shtyp mes kryeministrit Edi Rama dhe homologut spanjoll Pedro Sanchez.
Gjatë kësaj vizitë, liderët firmosën dy marrëveshje bashkëpunimi. Memorandumin e mirëkuptimit ndërmjet këshillit të ministrave të Republikës së Shqipërisë dhe qeverisë së mbretërisë së Spanjës për bashkëpunim në fushën e arsimit të lartë dhe marrëveshjen shtesë te konventës europianë për ekstradimin e vitit 1957.
Bashkëpunimi politik, ekonomik dhe kulturor mes Spanjës dhe Shqipërisë ishte fokusi i diskutimit midis shefit të qeverisë shqiptare dhe kryeministrit spanjoll.
“Me Kryeministrin e Mbretërisë së Spanjës, Pedro Sanchez ku nënshkruam edhe dy marrëveshje: Memorandumi i mirëkuptimit ndërmjet Këshillit të Ministrave të Republikës së Shqipërisë dhe Qeverisë së Mbretërisë së Spanjës, për bashkëpunimin në çështjet e arsimit të lartë dhe Marrëveshjen si shtesë e konventës europiane për ekstradimin e vitit 1957 . Vizita e parë zyrtare e nivelit të lartë në Spanjë në historinë e marrëdhënieve bilaterale, hap një faqe të re në këto marrëdhënie me potencial të lartë bashkëpunimi politik, ekonomik e kulturor mes Spanjës dhe Shqipërisë”, shkruan Rama.
Gjithashtu, Rama u prit dhe nga presidentja e kongresit të deputetëve të Spanjës Merixell Batet si dhe zhvilloi takime me sekretaret e shtetit për evropën e për tregtinë, industrinë dhe turizmin.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
