Ambasadorja Yuri Kim theksoi sot se Reforma në Drejtësi është kaq e rëndësishme, jo vetëm si kusht për BE-në, por sepse është kërkesë e popullit shqiptar.
Duke folur në Konferencën e KLP, Yuri Kim tha se është arritur shumë në 4 vite, pasi më parë Gjykata e Lartë kishte vetëm një gjyqtar.
Drejtësia nuk e ka pasur punën e lehtë dhe shpresojmë që ajo të arrijë rezultate të larta. Që ajo të sjellë drejtësi për shtetasit shqiptarë. Ju keni krijuar Këshillin për promovimin e pavarësisë së gjyqësorit dhe ne jemi në mbështetje jo vetëm KLP por të gjithë Reformës në Drejtësi. Reforma në drejtësi është e rëndësishme jo vetëm sepse është një kusht për integrimin në Bashkimin Evropian, por është një kërkesë e vetë popullit shqiptar. Shikoni sa shumë keni arritur, 4 vite më parë në Gjykatën e Lartë kishte vetëm një gjyqtar, por sot janë një trup e plotë, mungojnë vetëm 3 të cilët besojmë se do të plotësohen së shpejti. Gjykata Kushtetuese është funksionale. Besoj gjithashtu se brenda 2023-shit edhe Gjykata e Lartë do të jetë plotësuar me të gjithë gjyqtarët. Ka kaluar mjaft kohë, duhet të ofrojmë drejtësi për njerëzit. Duhet të gjejmë një mënyrë. E di që populli shqiptar, sikurse SHBA dhe populli amerikan pret gjykata të plotësuar me gjyqtarë, të trajnuar, të paanshëm, dhe të gatshëm të japin drejtësi”.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
