Kryetari i Partisë Demokratike të Kosovës, Memli Krasniqi, gjatë vizitës së tij zyrtare në Shqipëri ka takuar Kryeministrin e Shqipërisë, Edi Rama.
PDK njofton se në këtë takim është diskutuar për ndërtimin e mëtutjeshëm të raporteve në mes të Kosovës dhe Shqipërisë dhe për thellimin e bashkëpunimit institucional mes dy vendeve.
Krasniqi takimin me të parin e ekzekutivit shqiptar e ka cilësuar më shumi si miqësore e vëllazërore sesa zyrtare.
“Me Kryeministrin Rama diskutuam për ndërtimin e mëtutjeshëm të raporteve në mes të Kosovës dhe Shqipërisë dhe pët thellimin e bashkëpunimit tonë institucional”, ka shkruar Krasniqi në rrjetin social.
Sipas Krasniqit me kryeqeveritarin Rama kanë diskutuar edhe për rolin dhe faktorizimin e shqiptarëve në Ballkan dhe për procesin e integrimit euro-atlantik të të dy shteteve.
“Kosova dhe Shqipëria janë me fat që kanë mbështetjen e pakushtëzuar të njëra-tjetrës, në rrugën përpara drejt zhvillimit dhe integrimit”, ka shtuar ai.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
