Kryeministri Edi Rama dhe homologu i tij i Malit të Zi, Dritan Abazoviç, të cilët ndodhen në një vizitë në Kiev, u pritën në takim nga Presidenti Volodymyr Zelensky.
Pamjet e takimit janë ndarë nga vetë Presidenti ukrainas, i cili vlerëson mbështetjen e dhënë ndaj vendit të tij.
Megjithatë, në momentet e para të publikimit të takimit, vihet re një ngatërresë e emrave të dy kryeministrave. Në faqen e presidentit ukrainas, Abazoviç figuron kryeministër i shqiptarëve dhe Edi Rama kryeministër i Malit të Zi. Një pasaktësi që është korrigjuar shumë shpejt, por gjithsesi është kapur nga ndjekësit e vëmendshëm në rrjetet sociale.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
