Gazetari Flogert Muça tha në emisionin “Zonë e Lirë” në MCN TV se krijimi i shtetit të ri bektashi në Shqipëri nuk sjell asnjë rrezik për destabilizim dhe nuk ka gjasa të kthehet në precedent negativ.
“Të këqija s’ka asnjë, precedent negativ zero. Nëse s’do Albini dhe Parlamenti i Kosovës s’bën dot gjë Kisha Serbe në Kosovë. Zero rrezik për destabilizim. Këtu nëse s’do donte Rama, Baba Mondi përpjetë të hidhej s’bëhej. Do jetë si Vatikani. Unë pajtohem me Ramën që siç fetë e tjera kanë selitë dhe fuqitë e tyre falë mbështetjesh shtetërore, bektashinjtë që janë si ‘domain’ i yni, s’kanë një mbështetje. Unë jam që bektashinjve t’u jepet një status më i lartë, sepse është një aset. Ajo që mua më shqetëson është kur përdoret feja, në këtë rast bektashizmi, për të mbjellë përçarje kombëtare. E mbjell Albin Kurti”.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
