Kreu i PD-së, Lulzim Basha, e cilësoi shkelje të Kushtetutës procedurën e sotme për zgjedhjet e kryeprokurorit të përkohshëm. Në fjalën e tij në nisje të seancës, Basha i kërkoi maxhorancës të tërhiqet nga votimi për kryeprokurorin e përkohshëm, në të kundërt do të përballet me pasojat.
“Sot në mënyrë tinzare po bëheni gati për grusht shteti", tha Basha.
"Ju jeni të vendosur për të shkelur Kushtetutën për të mbrojtur pasuritë tuaja. Ky është çasti i fundit, që, në emër të Kushtetutës ju kërkoj të tërhiqeni. Ky është urdhri i popullit binduni atij ose përballuni me pasojat", tha Basha.
PS pritet të hedhë sot për votim kandidaturën për kryeprokuror të Përkohshëm. Kandidatura e përzgjedhur që ka gjetur mbështetjen e socialistëve është Arta Marku.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
