Ministria e Punëve të Jashtme të Shqipërisë dënon me forcë sulmin e ndodhur sot në Londër.
Përmes një komunikate të shpërndarë për mediat, Ministria e Jashtme e Shqipërisë, shpreh solidaritetin me partnerët britanikë, në luftën kundër terrorizmit.
Po ashtu Ministria e Jashtme thekson se deri më tani, si nga informacionet e marra nga ambasada e Shqipërisë në Londër, apo edhe informacionet paraprake nga policia britanike, njoftohet se nuk ka shqiptarë të lënduar.
“Nga verifikimi paraprak i policisë londineze nuk ka shtetas shqiptarë midis viktimave apo të plagosurve. MPJ dhe Ambasada e Shqipërisë në Londër do të vijojnë të ndjekin situatën.” Theksohet në komunikatën e MPJ-së.
Londra u përfshi ditën e sotme nga një sulm terrorist, fare pranë parlamentit britanik, dhe Kryeministres Theresa May. Nga sulmi raportohet se deri më tani janë 4 viktima, si dhe dhjetëra të plagosur.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
