Analisti Neritan Sejamini deklaroi në emisionin “Të Paekspozuarit” në MCN TV komentoi takimin e Edi Rama me emigrantët shqiptarë në Greqi, që ishte paralajmëruar prej javësh.
Ai tha se mitingu i Ramës në Athinë ishte pjesë e patriotizmit fals dhe e krahasoi atë me tregtarin e flamujve të Ernest Koliqit. Sipas tij, Rama duhet tw ksihte prekur problemin e gjuhës shqipe në Greqi.
Rama vajti në Athinë për interesin e vetë se i duhet vota e emigrantëve, familjarëve të tyre këtu. I duhet dhe patriotizmi dhe shpërqendrimi i vëmendjes nga gjithë këto skandale. Problemi qëndron se kjo është non ngjarje e ka vlerën zero.
E mbani mend samitin që u bë në Shqipëri. Edhe kjo është zero ngjarje. Përsa i përket flamurit, Rama citoi Sami Frashërin, por Ernest Koliqi ka një tregim “Tregtari i flamujve”, për patriotizmin fals.
Nuk ka asnjë kusht për emigrantët që të kthehen. U kthyen në 2008, por ikën sërish, sepse nuk gjetën vend në vendin e tyre dhe ikën në Holandë, Suedi etj. Kjo është përgjegjësi e çdo lloj qeverie.
Shumica e atyre që janë në sallë nuk votojnë as në Shqipëri as në Greqi. Nuk janë nënshtetas dhe nuk votojnë në Greqi dhe nuk i lejojnë që të votojnë në Shqipëri.
Problemi i pasaportave dhe lejeqëndrimit nuk është zgjidhur. Pas 10 vitesh marrëdhëniet janë aty ku ishin. Nuk mund të shkosh atje dhe të shash grekët në shtëpinë e tyre.
Nuk preku problemin e gjuhës shqipe në Greqi. Rama duhet që marrëdhëniet me Greqinë t’i zhvillojë në interes të shqiptarëve në Greqi dhe në Shqipëri.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
