Presidenti i Ukrainës, mesazh Metës: Vlerësojmë solidaritetin e Shqipërisë dhe partnerëve

Presidenti i Ukrainës Volodymyr Zelensky ka falenderuar presidentin Meta për mesazhet dhe qëndrimet e tij në mbështetje të Ukrainës.

I jam mirënjohës Presidentit Ilir Meta për fjalët e tij të mbështetjes në Ditën Kombëtare të Unitetit! Ne vlerësojmë solidaritetin e Shqipërisë, miqve dhe partnerëve të tjerë, për hir të një të ardhmeje të përbashkët evropiane. Së bashku ne e bëjmë Ukrainën më të fortë! Së bashku më të fortë”, shkruan Zelensky në Twitter.

Më herët presidenti Ilir Meta e konsideroi si frymëzuese ditën e unitetit kombëtar në Ukrainë.

Shqipëria dhe komuniteti ndërkombëtar qëndrojnë në krah të Ukrainës, në mbështetje të integritetit të saj territorial dhe të së drejtës së popullit të saj për të zgjedhur aleancat dhe të ardhmen e tyre”, do të shprehej Meta.