Ambasada amerikane në Tiranë ka reaguar pas vendimit të KQZ per t’iu hequr mandatin e deputetit Aqif Rakipit dhe Gledion Rehovices.
Në një deklaratë për mediat, ambasada e SHBA-së mirëpret vendimin e sotëm të KQZ dhe theksoi se kjo është provë pozitive se procesi i rëndësishëm i dekriminalizimit, filluar në dhjetor 2015, vazhdon në Shqipëri.
Deklarata:
Ambasada e SHBA mirëpret vendimin e sotëm nga KQZ për t’iu hequr mandatet Aqif Rakipit dhe Gledion Rehovicës. Ky vendim është provë pozitive se procesi i rëndësishëm i dekriminalizimit, filluar në dhjetor 2015, vazhdon në Shqipëri.
KQZ vendosi sot me 5 vota pro ndërprerjen e mandatit për dy ligjvënësit, njëri i PDIU-së dhe tjetri i LSI-së, pas kërkesës së Prokurorisë së Përgjithshme, në kuadër të zbatimit të ligjit të dekriminalizimit.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
