Presidenti i Shqipërisë Ilir Meta ka takuar këtë të martë eurokomisionerin Johannes Hahn, ku janë dhënë disa mesazhe në lidhje me negociatat e vendit drejt BE-së.
Pas vendimit të Këshillit Evropian të qershorit, për Shqipërinë, Kreu i Shtetit çmoi angazhimin e menjëhershëm të Komisionerit Hahn për nxitjen e hapave të mëtejshëm drejt çeljes së negociatave të anëtarësimit vitin e ardhshëm, thuhet në njoftimin e Presidencës.
Presidenti Meta vlerësoi mundësinë e bashkëpunimit dhe të një leximi të përbashkët të përmbushjes së sfidave madhore për të garantuar çeljen e negociatave.
“Gjithëpërfshirja dhe besueshmëria janë elemente kyç për eurinë e suksesshme të reformave”, nënvizoi Presidenti i Republikës.
Presidenti Meta e cilësoi tejet të rëndësishëm përqendrimin e axhendës evropiane të tri muajve të fundit tek Ballkani Perëndimor, si një mbështetje e qartë e perspektivës evropiane të rajonit.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
