Bardhi reagon ndaj Ramës: Kreu i një grupi parlamentar me të arratisur dhe në kërkim ndërkombëtar

Kryetari i grupit parlamentar të Partisë Demokratike, Gazment Bardhi, reagon ndaj Kryeministrit Edi Rama, i cili pas mbledhjes dy ditore të kabinetit qeveritar foli për riorganizim të qeverisjes. Bardhi thotë se rikonceptimi i qeverisjes nis nga respekti për votën e lirë, nga largimi i kreut të qeverisë më të korruptuar dhe të lidhur me krimin e organizuar në Europë, me vendosjen para drejtësisë të të korruptuarve. “Makiazhi mbi fytyrën e korrupsionit nuk e ndryshon realitetin e keqqeverisjes që po vuajnë çdo ditë qytetarët. Sot Edi Rama është kreu i një grupi parlamentar që ka në përbërje të tij një të arratisur të shpallur në kërkim ndërkombëtar nga drejtësia. Shqiptarët kërkojnë zgjidhje. E vetmja zgjidhje është largimi i Edi Ramës dhe mbajtja e tij përgjegjës për korrupsionin dhe lidhjet me krimin e organizuar.”