Presidenti i Serbisë, Aleksandër Vuçiç, pretendon se Qeveria e Kosovës e ka shkelur Marrëveshjen e Uashingtonit, pak orë pasi kryeministri Albin Kurti ka dorëzuar aplikimin e Kosovës për anëtarësim në Bashkimin Evropian, raporton blic.rs.
Sot ata zyrtarisht shkelin Marrëveshjen e Uashingtonit dhe për të gjitha këto do të përgjigjemi sonte pas seancës së qeverisë në të cilën isha i ftuar, lidhur me kërkesat tona në lidhje me Rezolutën 1244 të OKB-së, por edhe me tërheqjen e njohjeve të shumë vendeve. Do të merrni një përgjigje të saktë.
Vuçiç tha se aplikimi i Kosovës për anëtarësim në BE shkel nenin 49 të Traktatit të BE-së.
Kushti për të qenë në gjendje për të aplikuar për anëtarësim në BE është që të jesh shtet evropian.
Nuk e di se çfarë kriteri përdoret për të përcaktuar se çfarë nënkuptojmë me të qenët shtet, a i referohet një shteti të BE-së apo të gjitha shteteve të BE-së, apo anëtarësimit në Kombet e Bashkuara.
I pyetur nëse ka ndonjë përparim në situatën në Kosovë, Vuçiç theksoi se të mërkurën ka folur me përfaqësues evropianë dhe amerikanë dhe se ka disa ide.
Ndryshe, presidentja e Kosovës Vjosa Osmani, kryetari i Kuvendit, Glauk Konjufca dhe kryeministri Albin Kurti kanë nënshkruar të mërkurën aplikimin për anëtarësim të Kosovës në Bashkimin Evropian.
Ndërkaq këtë të enjte, Kryeministri i Kosovës, Albin Kurti, ka dorëzuar aplikimin e Kosovës për anëtarësim në BE.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
