Pas shkarkimit të ambasadorëve politikë me dekret të Presidentes Vjosa Osmani, burri i kësaj të fundit, diplomati Prindon Sadriu, sipas mediave në Kosovë, ka marrë drejtimin e Ambasadës së Kosovës në Maqedoninë e Veriut. Këtë e ka konfirmuar vetë Sadriu, përmes rrjeteve sociale.
Me largimin e Gjergj Dedajt nga kjo ambasadë, shef i misionit diplomatik të Kosovës në Maqedoni në cilësinë e të ngarkuarit me punë është bashkëshorti i presidentes Osmani, Prindon Sadriu.
Përmes rrjetit social në “Twitter”, Prindon Sadriu e konfirmon se po qëndron në këtë pozitë, derisa as presidentja dhe as ai asnjëherë nuk janë përgjigjur për këtë vendim.
Prindon Sadriu është diplomat i karrierës në Ministrinë e Punëve të Jashtme.
Ai në pozitën e zëvendës-shefit të misionit të Kosovës në Maqedoni ishte emëruar në korrik të vitit 2019, i cili mbanë gradën e ministrit në shërbimin diplomatik të Kosovës.
Muajin e kaluar, me anë të dekreteve Osmani ka shkarkuar 12 ambasadorë të Kosovës nëpër botë me arsyetimin se janë të emëruar politikisht.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
